Beke ea 33 har’a selemo
Labohlano
Ho baloa Bukeng ea Tšenolo. 10:8-11
”Nka buka ‘me u e koenye.”
‘Na Joannes, ka utloa lentsoe le e-tsoa leholimong, la re : E-ea, ‘me u nke buka e phetliloeng letsohong la lengeloi le emeng holim’a Ieoatle le lefatše. Ka ea ho lengeloi, ka re ho Iona le mphe buka, ‘me la re ho ‘na nka buka ‘me u e koenye; e tla baba maleng a hao, empa ka hanong e tla ba monate joaloka linotsi.
Eaba ke nka buka letsohong Ia Iengeloi ‘me ka e koenya. Ka hanong e ne e Ie monate joaloka linotsi; empa hoba ke e koenye, ka utloa e baba ka maleng.
Eaba ho thoe ho ‘na: E ka khona u profete hape ka lichaba tse ngata, ka ba merabe le ba lipuo tse fapaneng, le ka likhosi.
PESALEMA 118
MORENA LIPALLO TSA HAO LI MONATE HAKAAKANG HANONG LA KA.
Ke thabela tsela ea litemoso tsa hao
ho feta maruo ‘ohle.
Litemoso tsa hao ke tsona tse ntlhatsoang pelo,
thato ea hao ke eona e nkeletsang.
MORENA LIPALLO TSA HAO LI MONATE HAKAAKANG HANONG LA KA.
Molao o tsoang molomong oa hao o molemo ho ‘na
ho feta leruohali la gauda le silvera.
Lipallo tsa hao li monate hakaakang hanong la ka,
Ii feta linotsi molomong oa ka.
MORENA LIPALLO TSA HAO LI MONATE HAKAAKANG HANONG LA KA.
Litemoso tsa hao ke lefa la ka ka mehla,
ke tsona tse nthabisang pelo.
Ke ahlamisa molomo, kea feheloa,
hobane ke lapetse melao ea hao.
MORENA LIPALLO TSA HAO LI MONATE HAKAAKANG HANONG LA KA.
Ho baloa Evangeling e halalelang e ngotsoeng ke Luka- 19:45-48
“Le entse Ntlo ea Molimo lehaha la linokoane.”
Ka nako eo, hoba Jesu a kene ka Tempeleng, a qala ho tebela ba rekang le ba rekisang ka ho eona. A re ho bona: Ho ngotsoe, ho thoe: Ntlo ea ka ke ntlo ea thapelo, empa Iona le e entse lehaha Ia Iinokoane. ‘Me o n’a ruta
ka Tempeleng ka tsatsi le Ieng le le Ieng. Baprista ba baholo le bangoli le baholo ba sechaba ba ne ba batla ho ‘molaea, empa ba ne ba sa fumane seo ba ka mo etsetsang sona, hobane sechaba kaofela se ne se hlolloa ha se mo mamela.
