Labohlano

Ho baloa Bukeng ea Pele ea Bo-Makabea (4, 36-37.42-59)

“Ba etsa mokete oa khakolo ea aletare, ba nyehela mahlabelo a licheso ka nyakallo.”

Matsatsing ao, Judase le bana babo ba re: “Ere ka ha lira tsa röna li hlotsoe, a re nyoloheng, re e’o hloekisa Qalo e Halalelang le ho e khakola bocha.” Mabotho ‘ohle a khobokana ‘me a nyolohela thabeng ea Sione.

Selemong sa lekholo le mashome a mane a metso e robeli, ka la mashome a mabeli a metso e mehlano khoeling ea borobong e leng khoeli ea Kisleve, e sa le ka meso, sehlabelo sa molao sa nyeheloa holim’a aletare e ncha ea licheso e neng e sa tsoa ahoa. E ile ea khakoloa bocha ka life!a, ka liletsa, liharepa le lisimbala. Ka nako eo le ka letsatsi leo ka Iona balichaba ba neng ba e silafalitse.

Sechaba kaofela sa itihela fatše, sa khumamela Molimo, sa boka Ea se atlehisitseng. Bohle ba etsa mokete oa khakolo ea aletare matsatsi a robeli, ba nyehela mahlabelo a licheso ka nyakallo, ‘moho le sehlabelo sa khotso le sa teboho. Ba khabisa sehalalelo sa Tempele ka mefa-pahloho ea gauda le ka mekhabo ea lithebe, ba nchafatsa menyako le likamore ba ba ba li kenya mamati.

Boithabiso ea e-ba bo boholohali har’a sechaba ‘me sekhobo se bakiloeng ke balichaba sa hlakoloa. Judase ‘moho le bana babo le phutheho eohle ea ba-lsraele ba beha molao oa hore matsatsi a khakolo a aletare a bolokoe ka nako ea teng, selemo le selemo, matsatsi a robeli, ka thabo le nyakallo, ho tloha ka la mashome a mabeli a metso e mehlano khoeling ea Kisleve.

Pesalema (29,10-12.13)

Re rorisa lebitso la hau le tlotlehang, Morena.

Morena, Molimo oa Israele, uena ntat’a röna,

u bokoe ka mehla le mehla.

Morena, boholo le matla,

botlotlehi khanya le letlotlo ke tsa hao,

hobane leholimong le Iefatšeng tsohle ke tsa hao.

Borena ke ba hao,

u phahametse tsohle, Morena.

Leruo le hlompho li tsoa ho uena,

ke uena ea busang tsohle.

Matsohong a hao ke matla le bonatla,

matsohong a hao tsohle lia hola, lia matlafala.

Ho baloa Evangeling e halalelang e ngotsoeng ke Luka.      (19,45-48)

“Le entse Ntlo ea Molimo lehaha la linokoane.”

Ka nako eo, hoba Jesu a kene ka Tempeleng, a qala ho tebela ba rekang le ba rekisang ka ho eona. A re ho bona : Ho ngotsoe, ho thoe: Ntlo ea ka ke ntlo ea thapelo, empa löna le e entse lehaha la linokoane. ‘Me o n’a ruta ka Tempeleng ka tsatsi le leng le le leng.

Baprista ba baholo le bangoli le baholo ba sechaba ba ne ba batla ho ‘molaea, empa ba ne ba sa fumane seo ba ka mo etsetsang sona, hobane sechaba kaofela se ne se hlolloa ha se mo mamela.