Moeletsi oa Basotho Beke ea 25 har’a selemo
Labobeli
Ho baloa Bukeng ea Maele. (21:1-6.10-13)
“Lipolelo tse sa tšoaneng.”
Pelo ea khosi e matsohong a Morena: o e khelosetsa moo a ratang joaloka metsi a nosetsang. Motho a ka italima a nepile metsamaong ea hae, empa ke Morena ea hlahlobang lipelo. Ho etsa hoo e leng toka le ts’oanelo ho khahla Morena ho feta sehlabelo. Mahlo a tletseng boikakaso le pelo e ikhohomosang, ke libe tse supang motho ea khopo.
Ea seli ‘me ea sehlahlo o ba le katleho, athe qetello ea lepotla-potla ke bohloki. Ho ipokellela maruo ka ho spa mashano ke bosaoana ba motsotsoana bo isang efung. Pelo ea ea khopo e lakatsa bobe: le mohahabo ha funane mohau ho eena
Ha mosomi a oeloa ke kotlo, ea se nang mano oa hlalefa; ea bohhlale ha a lemosoa, ke eena ea bang le tsebo. Molimo ea lokileng o shebile ntlo ea ea khopo, o lihela ba khopo bomalimabe. Ea sa sekeheleng tsèbè sello sa mohloki, le eena o tla llela ho thusoa, empa ho se be ea mo phallelang.
PESASLEMA 118
MORENA NTATAISE TSELENG EA MELAO EA HAO.
Ho lehlohonolo ba metsamao e se nang koli
ha latelang Molao oa Morena.
Nthuse ho utloisisa tsela ea litaelo tsa hao
ke tle ke inahane ka tse tsotehang tsa hao.
MORENA NTATAISE TSELENG EA MELAO EA HAO.
Ke ikhethetse tsela ea bots’epehi.
ke ipapisitse le likahlolo tsa hao.
Mphe kutioisiso, ke tle ke latele Molao oa hao,
ke o boloke ka pelo ea ka eohle.
MORENA NTATAISE TSELENG EA MELAO EA HAO.
Ntataise tseleng ea melao ea hao,
hobane e nkhahlile.
Ke tla boloka Molao oa hao ho-ea-ho-ile,
ka mehla le mehla.
MORENA NTATAISE TSELENG EA MELAO EA HAO.
Ho baloa Evangeling e halalelang e ngotsoeng ke Luka. (8:19-21)
“’Me le banab’eso ke ba utloang lentsoe la Molimo ‘me ba le phetha.”
Ka nako eo, ‘M’a Jesu le bana babo ba tla ho eena, ‘me ba sitoa ho fihla ho eena ka baka la bongata ba batho. Jesu a bolelloa, ha thoe ho eena: ‘M’ao le bana beno ba eme kantle ‘me ba lakatsa ho u bona. A araba, a re ho bona: ‘M’e le bana beso ke ba utloang lentsoe la Molimo ‘me ba le phetha.
