Moeletsi oa Basotho Sehopotso sa Benedict ea Halalelang
Beke ea 14 har’a selemo
Labotšelela
Ho baloa Bukeng ea Deuteronoma. (10:8-9)
“Morena ke eena eo e leng lefa la hae.”
Moshe a bua le sechaba, a re: u khethele Morena leloko la Levi ho jara areka ea selekane sa Morena, ho ema ka pel’a Morena, ho mo sebeletsa, le ho hlohonolofatsa ka lebitso la hae, ho tla fihlela kajeno.
Ke ka baka leo Levi a sa kang a fuoa kabelo kapa lefa, joaloka bana babo; Morena ke eena e Ieng lefa la hae, joaloka ha Morena, Molimo oa hao a ‘moleletse.
PESALEMA 109
U MOPRISTA KA BOSAFELENG OA MOFUTA OA MELKISEDEKE.
Morena o itse ho Moren’a ka:
“Lula, ka tsohong Ia ka le Ietona,
‘me ke tla etsa lira tsa hao ·
bonamelo ba maoto a hao.”
U MOPRISTA KA BOSAFELENG OA MOFUTA OA MELKISEDEKE.
Morena o tla otlolla Jere la matla a hao a le Sione:
busa har’a lira tsa hao!
Bohosana ke ba hao
Ho tloha tsatsing la tsoalo ea hao;
ke u tsoetse pele ho mafube,
lithabeng tse halalelang.
U MOPRISTA KA BOSAFELENG OA MOFUTA OA MELKISEDEKE.
Morena o ikanne ‘me ha a na ho koeneha:
U moprista ka bosaf eleng oa mofuta oa Melkisedeke.
U MOPRISTA KA BOSAFELENG OA MOFUTA OA MELKISEDEKE.
Ho baloa Evangeling e halalelang e ngotsoeng ke Luka. (9:57-62)
“Ke tla u sala morao kae le kae moo u eang teng.”
Ka nako eo, ha Jesu le barutuoa ba hae ba tsamaea tseleng motho e mong a re ho Jesu: Ke tla u sala morao kea le kae moo u eang teng. Jesu a mo araha, a re: Liphokojoe Ii na le mekoti le linonyana tsa leholimo
Ii na le lihlaha; ha e le Mor’a motho, eena ha a na moo a ka samelang hloho ea hae teng.
Eaba o re ho e mong: Ntatele! Eo a mpa a re: Morena, ntumelle ke ee ho pata Ntate pele. Jesu a mo araba, a re : Lesa bafu ba pate bafu ba bona; ha e le uena, e-ea, u phatlalatse ‘muso oa Molimo.
E mong hape a re: Ke tla u latela Morena, u mpe u ntumelle ke ee pele ho lumelisa ba ntlo ea ka. Jesu a mo araba, a re: Mang kapa mang ea behang letsoho la hae mohomeng, ‘me a boela a hetla, ha a tsoanele ‘muso oa Molimo.
