Moeletsi oa Basotho Josefa ea halalelang
Monyali oa Maria Movirigo
Ho baloa Bukeng ea Bobeli ea Samuele. (7:4-5.12-14.16)
“Morena Molimo o tla mo neha terone ea Davida ntat’ae.”
Matsatsing ao, lentsoe la Morena la fihlela Nathane, la re: Tsamaea, u bolelle mohlanka oa ka Davida, u re: Ke sena seo Morena a se bolelang: Mohla nako ea bophelo ha hao e felang, mohla u ithoballang le bo-ntat’ao, ke tla u fa mohlahlami, mora oa hao ea tsoetsoeng ke uena, ke be ke tiise borena ba hae. Ke eena ea tla aha ntlo tlotlisong ea Lebitso la ka, ‘me ke tla tiisa terone ea borena ba hae ka mehla le mehla.
Ke tla ba ntat’ae, eena e be mor’a ka. Ntlo ea hao le borena ba hao Ii tla tiiea pel’a ka ka mehla; terone ea hao e tla ema ka mehla.
Pesalema 88
LESIKA LA HAE LE TLA B’E SA LE LE LETENG
Morena, ke tla binela mohau oa hao ka mehla,
ke tumise ‘nete ea hao
ho tloha molokong ho isa molokong.
Hobane u itse:
Mohau oa ka o etselitsoe ho ba teng ka mehla,
‘nete ea ka e tiile joaloka maholimo.
LESIKA LA HAE LE TLA B’E SA LE LE LETENG
Ke hlabile selekane le mokhethuoa oa ka,
ka hlapanyetsa Davida, mohlanka oa ka,
ka re: Ke tla tiisa lesika la hao ka mehla,
le terone ea hao ho tloha molokong ho isa molokong;
LESIKA LA HAE LE TLA B’E SA LE LE LETENG
O tla re ho ‘na: Ntate,
Molimo oa ka, lefika le mpholosang!
Ke tla ‘maballa mohaung oa ka ka mehla,
selekane sa rona le eena e tla ba se tiileng.
LESIKA LA HAE LE TLA B’E SA LE LE LETENG
Ho baloa Lengolong la Moapostola Paulosi ho Ba-Roma. (4:13.16-18.22)
“A tšepa leha seo a neng a se tšepile se bonahala eka se ke ke sa etsahala.”
Pallo ea ho rua lefatše ha ea ka ea etsetsoa Abrahama kapa leloko la hae ka baka la Molao, empa e le ka baka la toka e tsoang tumelong.
Pallo eo e entsoe ka baka Ia tumelo, hore e tle e be mpho e tsoang mohaung oa Molimo feela. Ka baka leo pallo eo e etselitsoe litloholo tsohle, e seng tse tsoang Molaong feela empa le tsona tse tsoang tumelong ea Abrahama, eo e Ieng ntat’a rona bohle, joaloka ha ho ngotsoe ho thoe: Ke u entse ntat’a lichaba tse ngata.
E, ke ntat’a rona mahlong a Moilimo eo a lumetse ho eena, ea phelisang ba shoeleng, ‘me ea laelang tse e-song ho be teng hore Ii be teng.
Abraharna, leha seo a neng a se tsepile se bonahala e-ka se ke ke sa, phethahala, a tsepa hore e tla ba ntat’a: lichaba tse ngata, kamoo a neng a boleletsoe kateng, ha thoe: Litloholo tsa hao li tla ba ngata joalo.
Ka baka leo Abrahama a amoheleha ho Molimo e le ea lokileng, ka baka la tumelo ea hae.
Ho baloa Evangeling e halalelang e ngotsoeng ke Matheus. (1:16.18-21.24)
Jesu o tla tsoaloa ke Maria.
Jakobo a tsoala Josefa, monyali oa Maria, eo Jesu ea bitsoang Kriste, a belehiloeng ke eena.
Tsoalo ea Jesu ea e-ba joana: ‘M’ae Maria, ha a se a lebelelitsoe ke Josefa, ba e-s’o ka ha phela ‘moho, a fumaneha e le moimana ka matla a Moea o Halalelang. Ere ka ha Josefa, mohatša hae, a ne a lokile ‘me a sa rate ho mo hobosa a rera ho mo hlala ka lekunutu.
Eare a sa hopotse joalo, lengeloi la Morena la be le itlhahisa ho eena torong, le re: “Josefa, mor’a Davida, u se ke ua tšaba ho inkela Maria, mohats’a hao; hobane se emotsoeng ka ho eena se tsoa ho Moea o Halalelang. O tla beleha mora, eo u tla mo reha Iebitso la Jesu, hobane ke eena ea tla pholosa sechaba sa hae libeng tsa sona.”
Josefa, ha a tsoha borokong, a etsa joaloka ha lengeloi le mo laetse.
