Moeletsi oa Basotho Beke ea 9 har’a selemo
‘Mantaha
Ho baloa Lengolong la Bobeli la Moapostola Peterosi. (1,1-7)
“Re filoe lipallo tsa bohlokoa hore le etsoe ba nang le kabelo ho seo Molimo a leng sona.”
Simone Peterosi, mohlanka le moapostola oa Jesu Kriste, ho bao, ka toka ea Molimo le Mopholosi- oa rõna Jesu Kriste, ba abetsoeng tumelo e tšoanang le ea röna ka bohlokoa.
Le ke le anafaletsoe mohau le khotso ka tsebo ea Molimo le ea Jesu, Morena oa rõna.
Matla a Bomolimo ba hae a re file tsohle tseo e leng tsa bophelo le tsa borapeli, ka ho re tsebisa ea re bitsitseng ka letlõtlo le matla a hae. Re filoe ke eena lipallo tse kholohali tsa bohlokoa, hore ka tsona le etsoe ba nang le kabelo ho seo Molimo a leng sona, ka ho balehela ho bola ho leng teng lefatšeng le litakatso tse mpe tsa lona.
Ka lebaka lena, ka thahasello e kholo, kopanyang tumelo ea löna le ho loka, ho loka le tsebo, tsebo le boitšoaro, boitšoaro le mamello, mamello le borapeli, borapeli le lerato la boena, lerato la boena le lerato la Molimo.
PESALEMA 90
MOLIMO OA KA, KE U TšEPILE.
Uena ea phelang tšireletsong ea Ea holimo-limo,
ea lulang moriting oa Ea matla-ohle.
e re ho Morena: U setšabelo sa ka.
u ghobosheane ea ka,
u Molimo oa ka eo ke mo tšepileng.
Ere ka ha a nthatile, ke tla mo namolela,
ke mo sireletse hobane a tsebile lebitso la ka.
Ha a hoeletsa ho ‘na,
ke tla mo araba.
Ke tla ema le eena bothateng,
ke mo pholose, ke mo tlotlise.
Ke tla mo abela litšiu tse telele,
ke mo sitse ka pholoho ea ka.
Ho baloa Evangeling e halalelang e ngotsoeng ke Mareka. (12,1-12)
“Ba tšoara mora ea ratuoang, ba ‘molaea ‘me ba mo lahlela kantle ho tšimo ea morara.”
Ka nako eo, Jesu a qala ho bua le baprista ba baholo, bangoli le baholo ba sechaba ka papiso, a re: Motho e mong o ile a lema morara, a o kopela ka motero, a cheka setlhotlelo, a ba a aha tora, a etsa seahlolo le balemi, a ntan’o eta.
Eitse ha nako e fihlile, a romela mohlanka ho lata ho balemi seabo sa hae sa morara. Empa balemi ba tšoara mohlanka eo, ba mo kakata, ba mo tebela a se na letho. A boela a romela mohlanka e mong ho bona, empa ba mo etsa maoma hlohong, ba mo nyefola hampe. A boela a roma e mong hape ‘me eena ba ‘molaea. A roma ba bang ba bangata; empa ba kakata ba bang ‘me ba bolaea ba bang.
Joale o n’a saletsoe ke motho a le mong, e leng mor’a hae ea ratuoang haholo. Le eena a mo roma ho bona e le oa ho qetela, a re: Ba tla hlonepha mor’a ka. Empa balemi ba buisana, ba re: Eo ke mojalefa; tloong re ‘molaeeng ‘me lefa e tla ba la rona. Eaba b’a mo tšoara, ba ‘molaea ‘me ba mo lahlela ka ntle ho tšimo ea morara. Ana mong’a morara o tla etsa’ng? O tla tla a timetse balemi bao, ‘me a nehe ba bang tšimo ea morara.
Ana ha le e-s’o bale lentsoe la Mangolo le reng: Lejoe leo liahi li le lahlileng, ke lona le entsoeng la motheho. Ona ke mosebetsi oa Morena, o tsoteha hakakang mahlong a rona! Ba ne ba batla ho tšoara Jesu, empa ba tšaba letšoele; hobane ba ile ba utloisisa hore o n’a bolela bona ka papiso ena. Ba mo tlohela ‘me a ikela.
