CBL ke mohloli

Banka e Kholo ea Lesotho(CBL), e abetsoe khau moketeng o neng o tšoaretsoe Ntlo-Kholo ea eona, Maseru ka la 23 Tlhakubele 2024, kamor’a hore e phatlalatsoe e le mohloli ea ipabotseng oa selemo sena, ka chelete ea pampiri ea M200.00, tlholisanong e neng e kenetsoe ke linaha tsa Middle East, Europe le Afrika.
Chelete ena e tliselitseng CBL tlholo, ke e neng e entsoe bakeng sa ho tšoaea ketekelo ea lilemo tse 60 tsa tsoalo ea Rabasotho.
Motlatsi oa Pele oa Mookameli oa CBL, Monghali Lehlomela Mohapi o itse chelete ena ea pampiri e hapile ho ipapisitsoe la matšoao a eona a tšireletso, bochaba le hore e bontša nalane ea Basotho.

Mookameli oa CBL, Monghali Muluke Letete o itse khau ena e tlil’o bulela Naha ea Lesotho menyetla e mengata ea ho le tsebaha.