Nthabeleng Seitlheko Bahlanka ba bane ba Kamphani ea Motlakase Lesotho (LEC) ba bokellang mekoloto ho likhoebo tse kolotang LEC, ba itjella 34millione ka ho bokella mekoloto ka lebitso la LEC, ebe ba hlakola likhoebo tse joalo lenaneng la tse kolotang LEC. Litaba tsena li hlahelletse tulong ea PAC le LEC, ka la 7 Pulungoana monongoaha.
Bahlanka ba babeli ba hlalosoa ba ile ba itokolla mosebetsing kamor’a ho elelloa hore ba fumanoe ba nkha lefotha bosholung ba chelete ena, ba ile ba fuoa lichelete tsa bona kaofela. Ba babeli ba ile ba emela molato oa bona, ba ntse ba le tšebetsong ‘me ba nketsoe methati ea khalemo ba nt’o lelekoa hang kamor’a eona, ‘me bona ba tla lefshoa litsiane ho latela tšebetso ea bona ea nako e telele.
Mookameli oa LEC, Monghali Mohlomi Seitlheko, o tiiselitse PAC hore LEC e tla be e butse nyeoe sepoleseng kamor’a libeke tse peli, ho nkela bahlanka bao likhato tsa molao.
Tulo ena e ntse e tsoelapele.
