Moeletsi oa Basotho Labobeli
Ho baloa Lengolong Ia Moapostola Paulosi ho Ba-Roma. (12, 5-16)
“Bohle ka bo-mong re litho e mong ho e mong.”
Bana beso! Rona, re leng bangata, re ‘mele o Ie mong ho Kriste, ‘me bohle ka bo-mong re litho e mong ho e mong. Re na le lineho tse fapakaneng, ka ho ea ka grasia eo re e filoeng. Ha e le boprofeta, a re bo sebeliseng ka ho ea ka ‘nete ea tumelo; ha e le tšebeletso, a re sebeletseng; ha e le neho ea ho ruta, a re ruteng; ha e le neho ea ho khothatsa, a re khothatseng. Ea abang lithuso, e be ka pelong e nolo, ea okamelang e be ka mafolo-folo; ea etsang mesebetsi ea mohau, e be ka pelo e tšoeu.
Lerato Ia löna le hloke boiketsiso. Le hloee tse mpe, Ie khomarele tse lokileng. Le ratane ka lerato le mofuthu Ia bana ba motho. Le hlolisane ka hlomphano. Le se ke Ia nyebella mafolofolong, le sebeletse Morena ka moea o chesehang. E-bang le thabo e tsoang tšepong, le iphapanyetseng matšoenyeho, phehellang thape!ong. Thusanang le balumeli ba leng bohloking, thahasellang ho amohela baeti. Lakaletsang ba le hlorisang mahlohonolo; le ba lakaletse mahlohonolo ‘me le se ke Ia ba rohaka. Thabang le ba thabileng, Ie Ile le ba Ilang. Nkang bohle ka ho tšoana; le se ke Ia ikhopolela tse phahameng, le mpe le ipatlele tse eisehang.
PESALEMA 21 (26-32. v. 26)
MORENA KE TLA ITHORISA KA UENA SEBOKENG SE SEHOLO.
Ke tla ithorisa ka uena phuthehong e kholo,
ke tla phetha boitlamo ba ka
pel’a ba tšabang Morena,
Mafutsana a tla ja, a khore;
ba batlang Morena ba mo rorisa,
ba iphelele ba thabile ka mehla.
Lefatše ka bophara ba lona le tla hopola Morena,
le khutlele ho eena,
meloko eohle ea lichaba
e tla itihela fatše ka pele ho eena.
Bohle ba theohelang lebitleng
ba tla itihela fatše ka pele ho eena.
Ha e le ‘na ke tla mo phelela,
lesika Ia ka le tla mo sebeletsa.
Meloko e tlang ho tla e tla tsebisoa Morena,
sechaba sa kamoso se bolelloe toka ea hae:
ke sena he, se entsoeng ke Morena.
Ho baloa Evangeling e halalelang e ngotsoeng ke Luka (14,15-24)
“Tsoela litseleng le meterong, ‘me u ba qobelle ba kene, ntlo ea ka e tle e tlale.”
Ka nako eo, e mong oa ba neng ba e-na le Jesu Iijong a re ho eena: Ho lehlohlonolo ea tla ja bohobe ‘musong oa Molimo. Jesu a re ho eena: Motho e mong o ile a etsa mokete o moholo oa lijo, ‘me a mema ba bangata. Eare ka nako ea lijo a roma mohlanka oa hae ho ea bolella ba memiloeng, a re: Tloong, tsohle li lokisitsoe joale. Empa bohle ba qala ho itatola ka ho tšoana. Oa pele a re ho eena: Ke rekile polasi, e ka khona ke ee ho e bona; Ke u kopa hore u mpe u ntšoarele, E mong a re: Ke rekile lipholo tsa lijoko tse hlano, ke sa il’o li leka; ke u kopa hore u mpe u ntšoarele. E mong eena a re: Ke nyetse mosali, ka baka leo ke tla sitoa ho tla.
Eitse ho ba mohlanka a khutle, a tsebisa morena oa hae litaba tseo. Joale mong’a ntlo a halefa, a re ho mohlanka oa hae: E-ea kapele-pele mapatlelong le literateng tsa motse, ‘me u tlise mafutsana, lihole, lifofu le lihlotsa koano. Mohlanka a re: Morena, ho entsoe kamoo u laetseng kateng, empa sebaka se sa le teng. Morena a re ho mohlanka: Tsoela litseleng le meterong, ‘me u ba qobelle ba kene, ntlo ea ka e tle e tlale. Hobane kea le bolella, ha ho le ea mong oa banna bana ba neng ba memiloe ea tla latsoa lijo tsa ka.
