Nthabeleng Seitlheko Tona-Kholo Ntsokoane Matekane, o tla aparoa ke liofisiri tsa ’muso oa Lesotho tse 20, ho leba ’mokeng oa matsatsi a mane a seboka sa bo-78 sa lihlooho tsa linaha Amerika, ho tloha ka la 18 ho isa la 23 Loetse monongoaha.Tsena li hlahelletse lengolong la ’muso le potolohang.
Letona la Machabeng Mohlomphehi Lejone Mpotjoane, la Bophelo Mohlomphehi Selibe Mochoboroane, la Lichelete le Meralo Dr. Rets’elisitsoe Matlanyane, Mongoli oa ’Muso, Motlatsi Ramafole le Mongoli oa Tona-Kholo Moleboheng Mokobocho e tla ba karolo ea leeto.
Mongoli oa Lekala la Machabeng, Thabang Lekhela, Mongoli oa Lekala la Bophelo, Moliehi Ntene, Mongoli oa Lekala la Lichelete, Rethabile Maluke, Mookameli oa Lits’ebeletso tsa Bophelo, Dr. ’Nyane Letsie, Mookameli oa Boeti ho tsa Machabeng, Monghali Mafiroane Motanyane le liofisiri tse kholo tsa makala a fapakaneng, esitana le tsa LNDC le LHDA le tsona li tla kalla nonyana ts’epe.
